ടൈംസ് ഓഫ് ഇന്ത്യയില് വന്ന ഒരു വിവാഹപ്പരസ്യം.(വധുവിനെ ആവശ്യമുണ്ട്)
തിവാരി ജാതി.28വയസ്സ്.പ്രമുഖ കമ്പനിയില്‍
ജോലി.സാമ്പത്തിക ഭദ്രതയുള്ള കുടുംബം.എയ്‌ഡ്‌സ് ബാധിതനായ യുവാവിനു,
തിവാരി സമുദായത്തില് പെട്ട സുമുഖിയായ പ്രൊഫഷണല് ജോലിയുള്ള,എച്ച്.ഐ.വി. പോസിറ്റീവ് ആയ യുവതിയെ ആവശ്യമുണ്ട്.

പിന്നാമ്പുറം: ഒരു മഹാരോഗത്തിനു മുന്‍പില് പോലും മുട്ടുമടക്കാത്ത ജാതിക്കോമരങ്ങള്...!
ഈ യോഗ്യതയെല്ലാമുള്ള ഒരാളെ
ഒത്തു കിട്ടിയില്ലെങ്കിലോ...?
(NB:പരസ്യം ആംഗലേയത്തിലായിരുന്നു.)

ഹൂ.....ഹാ...ഇന്ത്യ....അയ്യോ...എന്‍‌റമ്മോ.....ഇന്ത്യ....

ഇന്ത്യന്‍ ക്രിക്കറ്റ് ആരാധകരെ ഊളന്മാരാക്കുന്ന മൂന്ന് സംസ്കാരങ്ങള്‍.......
1.ബി.സി.സി.ഐ
2.പെപ്സി കോള കമ്പനി
3.മന്ദിര ബേദി
NB:ഈ തെരെഞ്ഞെടുപ്പ് തികച്ചും വ്യക്തിപരം ആണ്.അനുകൂലിക്കാം എതിര്‍ക്കാം..
എന്തായലും നിങ്ങളുടെ അഭിപ്രായം അറിയിക്കുക

സംവരണം എന്ന ഭയങ്കര സംഭവം...!

സംവരണം വേണമെന്നും വേണ്ടെന്നും പറഞ്ഞ് യുവജനങ്ങളടക്കം പൊതുസമൂഹം
ദേശീയതലത്തില്‍ വിഘടിച്ചു നില്‍ക്കുകയാണല്ലോ.ഉന്നത വിദ്യാഭാസസ്ഥാപനങ്ങളില്‍ മര്‍ദ്ദിത ജനവിഭാഗങ്ങള്‍ക്ക് സംവരണം ഏര്‍പ്പെടുത്തുന്നതില്‍ ഗവര്‍മെന്റ് ഊര്‍ജ്ജിത നടപടികള്‍ കൈക്കൊള്ളുന്നുണ്ട്.എന്നാല്‍ ഹിന്ദി ബെല്‍ട്ടില്‍ നടക്കാന്‍ പോകുന്ന തെരെഞ്ഞെടുപ്പ് മുന്നില്‍ കണ്ടുകൊണ്ടാണ് ഒരു തരം അതിഭാവുകത്വത്തോടെ ഗവര്‍മെന്റ് പ്രചാരണകോലാഹാലങ്ങളില്‍ ഏര്‍പ്പെടുന്നത്.
സംവരണം എന്തിനാണ്?നൂറ്റാണ്ടുകളായി സാമൂഹികമായും,രാഷ്ട്രീയമായും സാമ്പത്തികമായും അടിച്ചമര്‍ത്തപ്പെട്ട ശതകോടികളുണ്ട് ഇവിടെ.ഭാരതം നിശ്ചയമായും ഒരു മുതലളിത്തരാജ്യമല്ല. ഇന്നാട്ടിലെ ഓരോ പൌരനും തുല്യപരിഗണന നല്‍കാന്‍ ഭരണകൂടം ബാധ്യസ്ഥമാണ്.ഉച്ചനീചത്വങ്ങള്‍ കാരണം ആ തുല്യത എത്തിപ്പിടിക്കാന്‍ കഴിയാത്തവര്‍ക്ക് ഒരു കൈസഹായമാണ് സംവരണം.സംവരണ വിരോധികള്‍ എന്താണ് പറയുന്നത്?നൂറ്റാണ്ടുകളായി അടിച്ചമര്‍ത്തപ്പെട്ടവര്‍ ആ ചെളിക്കുണ്ടില്‍ തന്നെ കിടക്കട്ടെ എന്നാണോ?
എന്നാല്‍ ഇതിനൊരു മറുപുറമുണ്ട്.സംവരണം വന്നു കഴിഞ്ഞേ ഇനി ഞാന്‍ തലമുടി വെട്ടൂ എന്നും പറഞ്ഞു നടക്കുന്ന ചിലരുണ്ടിവിടെ.അവരോടൊരു ചോദ്യം.ഇന്നത്തെ സമ്പദ്‌വ്യവസ്ഥയിലും അത് നീയന്ത്രിക്കുന്ന വിദ്യാഭ്യാസ സ്ഥാപനങ്ങളിലും ആരാണ് സംവരണത്തിന്റെ പങ്കു പറ്റുന്നത്?ഒരേ എന്‍‌ട്രസ് കോച്ചിങ് സ്ഥാപനത്തില്‍ ഒരേ കാലയളവില്‍ പഠനം പൂര്‍ത്തിയാക്കിയ സൂഹൃത്തുക്കളില്‍ ഒരാള്‍ക്ക് മികച്ച റാങ്ക്,മറ്റൊരാള്‍ക്ക് റാങ്ക് മോശം.എന്നാല്‍ ഉന്നതജാതിക്കാരനായതിനാല്‍ ഒന്നാമന്‍ പിന്തള്ളപ്പെടുകയ്യും സംവരണാനുകൂല്യത്തില്‍ രണ്ടാമന്‍ ലിസ്‌റ്റില്‍ കയറിപ്പറ്റുകയും ചെയ്യുന്ന അവസ്ഥയാണിവിടെ..!!
നൂറ്റാണ്ടുകളായുള്ള അടിച്ചമര്‍ത്തല്‍ മൂലം രണ്ടാമന്റെ ബുദ്‌ധിവികാസം മന്ദഗതിയിലായെന്ന് ഏതെങ്കിലും സംവരണാനുകൂലികള്‍ പറയുമെന്ന് എനിക്ക് തോന്നിന്നില്ല.!
ഇവിടെയാണ് പ്രശ്നത്തിന്റെ കാതല്‍.സംവരണം മര്‍ദ്ദിത വിഭാഗങ്ങള്‍ക്കെന്ന് മുറവിളികൂട്ടുമ്പോഴും അത് ഈ ‘മേല്‍ത്തട്ടുകാര്‍’ അടിച്ചുമാറ്റുന്നതിലുള്ള സുഹൃദ്‌സമുദായങ്ങളുടെ രോഷം സംവരണവിരുദ്‌ധതയായി രൂപം പ്രാപിക്കുന്നുണ്ട്.ഈ രോഷത്തില്‍ എണ്ണയൊഴിച്ച് അതില്‍ നിന്ന് തങ്ങളുടെ നനഞ്ഞ ചൂട്ട് കത്തിക്കാനാണ് സവര്‍ണ,സമ്പന്ന ലോബികള്‍ ഇപ്പോള്‍ ശ്രമിച്ചു കൊണ്ടിരിക്കുന്നത്.
എന്‍‌ട്രന്‍സ് ഒഴിവാക്കി (പൂര്‍ണ്ണമായും അല്ല,aptitude test+ plus two result ആയിരിക്കണം പ്രവേശന മാനദണ്ഡം).വമ്പന്‍ കോച്ചിംഗ് സെന്ററുകളുടെ പരിശീലനം സിദ്‌ധിക്കാതെ തന്നെ എഴൂതാന്‍ സാധിക്കുന്ന(ntse പോലെ),overall talent അളക്കുന്ന ഒന്നായിരിക്കണം aptitude test. entrance-ന്റെ ഗൌരവം നിലനിര്‍‌ത്താന്‍ പൊതുപരീക്ഷയുടെ നിലവാരം ഉയര്‍‌ത്താമല്ലോ.. അതിന് നല്ല കോച്ചിങ് ഗവര്‍മെന്റിന് നല്‍കാമല്ലോ?കേരളത്തെ സംബന്ധിച്ചിടത്തോളം അത് വലിയ ബുദ്ധിമുട്ടുള്ള കാര്യമല്ല.മറ്റു ഇന്ത്യന്‍ സംസ്ഥാനങ്ങളോട് കിടപിടിക്കുന്നതാണ് നമ്മുടെ പൊതുവിദ്യാഭ്യാസം.ഇച്ഛാശക്തിയുള്ള ഒരു ഗവര്‍‌മെന്റ് മാത്രം മതി ഈയൊരു മാറ്റത്തിന്.